ඔබත් අවුරුදු 25ට වැඩි නම් මේ ගැන සැලකිලිමත් වන්න
October 23, 2025 08:01 am
වයස අවුරුදු 25ට වැඩි සෑම සිව්දෙනෙකුගෙන් එක් අයෙකුට ජීවිත කාලය තුළ ආඝාත රෝගී තත්ත්වයක් ඇති විය හැකි බව සෞඛ්‍ය අංශ පවසයි.
කළුතර ශික්ෂණ රෝහලේ ස්නායු විශේෂඥ වෛද්‍ය සුරංගි සෝමරත්න මහත්මිය සඳහන් කළේ ආඝාත රෝගීන්ගෙන් 30%ක් පමණ අවුරුදු 20ත් 60ත් අතර වයසේ පසුවන අය බවය.
ලබන 29 වන දිනට යෙදී ඇති ලෝක ආඝාත දින සැමරුම් උත්සවයකට සමගාමීව පැවැත්වූ මාධ්‍ය හමුවට එක්වෙමින් ස්නායූ විශේෂඥ වෛද්‍ය සුරංගි සෝමරත්න මහත්මිය මේ බව සඳහන් කළාය.
මෙම රෝඟය වැළඳීම පාලනය කිරිම සඳහා ගත යුතු ක්‍රියාමාර්ග සම්බන්ධයෙන් පැහැදිලි කරමින් විශේෂඥ වෛද්‍ය සුරංගි සෝමරත්න මහත්මිය පැවසුවේ දිනකට කෙටි වේලාවක් හෝ ව්‍යායාම කිරීම අත්‍යවශ්‍ය බවය.
එමෙන්ම ඇවිදීම, ශරිරය වෙහෙසන තමන් කැමති ක්‍රීඩාවක්, පිහිනීම නැතිනම් පාපැදියක් පැදීම හෝ සිදු කිරීමද යෝග්‍ය බව ඇය වැඩිදුරටත් පැවසීය.
