ගාසා වැසියන් වෙනුවෙන් වැසුණු සිඩ්නි පාලම

ලක්ෂයකට වැඩි පිරිසක් එක්ව පලස්තීනයට සහාය දක්වමින් පැවැත්වූ විරෝධතාවක් හේතුවෙන් ඔස්ට්‍රේලියාවේ සිඩ්නි නුවර සුප්‍රකට වරාය පාලම වසා දැමීමට බලධාරීන්ට සිදු විය.

එහිදී ඔවුන් බලකර සිටියේ ගාසා තීරයේ සාමය උදාකරමින්, ඒ වෙත මානුෂීය ආධාර යැවීමට කටයුතු කරන ලෙසය.

මනුෂ්‍යත්වය වෙනුවෙන් වූ පාගමන ලෙස නම් කළ මේ දැවැන්ත විරෝධතාවට එක්වූවන් වළං ද රැගෙන එක්ව සිටියේ කුසගින්න සිහිකරමිනි.

වැසි මැද පැවති මේ විරෝධතාවට විකිලීක්ස් නිර්මාතෘ ජූලියන් ඇසෑන්ජ් ඇතුළු විශාල පිරිසක් එක්ව සිටියහ.