අල්ලස්ගත් පොලිස් නිලධාරියෙකු අත්අඩංගුවට 

ත්‍රිකුණාමලය, කින්නියා පොලිස් ස්ථානයට අනියුක්ත පොලිස් නිලධාරියෙකු අල්ලස් හා දුෂණ විමර්ශන කොමිසමේ නිලධාරීන් විසින් අත්අඩංගුවට ගෙන ඇත. 

රියදුරු බලපත්‍ර නොමැතිව යතුරුපැදිය පැදවූ වයස අවුරුදු 17 ළමයෙකුට එරෙහිව නීතිය ක්‍රියාත්මක නොවීමට රුපියල් 10,000ක අල්ලසක් වශයෙන් ඉල්ලා ඇත. 

ඒ සම්බන්ධයෙන් අදාළ පාර්ශව අල්ලස් කොමිසමට දැනුම්දීමෙන් පසු මෙම වැටලීම සිදුකර ඇත. 

සැකකරු ත්‍රිකුණාමලය අධිකරණයට ඉදිරිපත් කිරිමෙන් අනතුරුව ලබන මස 9වනදා දක්වා රක්ෂිත බන්ධනාගාර ගතකර තිබේ.