පොලිස් භාරයේ සිටි අයෙක් මියයාමේ සිද්ධිය ගැන පරික්ෂණ CIDයට

වැලිකඩ පොලිස් අත්අඩංගුවේ සිටිය දී තරුණයෙකු මියයාමේ සිද්ධිය සම්බන්ධයෙන් සිදුකෙරෙන විමර්ශන අපරාධ පරීක්ෂණ දෙපාර්තමෙන්තුව වෙත භර දී තිබේ.

වැඩබලන පොලිස්පතිවරයාගේ නියෝග මත අදාළ විමර්ශන අපරාධ පරීක්ෂණ දෙපාර්තමේන්තුව මගින් මේ වනවිට ආරම්භ කර ඇති බවයි පොලිස් මුලස්ථානය පැවසීය.

පසුගිය පළමු වනදා රාත්‍රී කාලයේ නාවල ප්‍රදේශයේ දී අදාළ තරුණයා අත්අඩංගුවට ගෙන තිබු අතර එහිදී කලහකාරී ලෙස හැසිරීම හේතුවෙන් ඔහු රෝහල් ගත කළ බව පොලීසිය සඳහන් කර ඇත.

කෙසේවෙතත් එම තරුණයා අත්අඩංගුවට ගැනීමෙන් පසු පොලිස් නිලධාරීන් කටයුතු කළ ආකාරය සහ රෝහල් ගත කිරීමෙන් පසු තරුණයා මිය යාම පිළිබඳව විමර්ශන සිදුකරන ලෙස වැඩබලන පොලිස්පතිවරයා අපරාධ පරීක්ෂණ දෙපාර්තමේන්තුවට දැනුම් දී තිබේ.