ඖෂධ සඳහා උපරිම සිල්ලර මිලක්
March 26, 2025 09:40 am
සෞඛ්‍ය අමාත්‍යංශය ඖෂධ සඳහා උපරිම සිල්ලර මිල යාන්ත්‍රණයක් නියාමනය කිරීමට අදාළ අති විශේෂ ගැසට් පත්‍රයක් සෞඛ්‍ය අමාත්‍යංශය නිකුත් කර තිබේ.
ඩොලරයේ අගය වෙනස්වීම මත මෙම උපරිම සිල්ලර මිල වෙනස් විය හැකිය.
එම ගැසට් නිවේදනයට අනුව මෙම උපරිම සිල්ලර මිල නිර්ණය කෙරෙන්නේ යම් ඖෂධයක් සඳහා වන පිරිවැය, රක්ෂණය, ප්‍රවාහන වියදම්, සැපයුම් දාමයේ වියදම් ප්‍රතිශතය, සහ තීරු බදු සහ බදු එකතු කිරීමෙනි.
එමෙන්ම මහ බැංකුව නිකුත් කරන විනිමය අනුපාතිකය මත බලධාරීන් විසින් නිකුත් කරන ගෙවුණු මාස 3ක කාලයේ දී අමෙරිකානු ඩොලරයේ විකුණුම් මිල අනුපාතිකයේ සාමාන්‍ය අගය ද මෙහිදී සලකා බැලේ.
ඖෂධ නියාමන අධිකාරියට වසරකට දෙවතාවක් මෙය සමාලෝචනය කිරීමේ අවස්ථාව හිමිවන අතර ඩොලරයේ විකුණුම් මිල වෙනස්වීම මත මහජන සුබසිද්ධිය උදෙසා ඖෂධ සඳහා වන උපරිම සිල්ලර මිල වෙනස් විය හැකිය.
එමෙන්ම මේ සමඟ ඖෂධ සඳහා උපරිම මිල යාන්ත්‍රණයක් ද සෞඛ්‍ය අමාත්‍යංශය නිකුත් කර තිබේ.
