ඩිජිටල් ආර්ථිකයේ අභියෝගය ප්‍රමාණවත් ආයෝජන සපයා ගැනීමයි
January 24, 2025 04:04 pm
වත්මන් රජයේ ඩිජිටල්කරණ වැඩසටහනේ ප්‍රධාන අභියෝගය ප්‍රමාණවත් ආයෝජන සපයා ගැනීම බව ඩිජිටල් ආර්ථික කටයුතු පිළිබඳ ජනාධිපති ජ්‍යෙෂ්ඨ උපදේශක ආචාර්ය හාන්ස් විජේසූරිය මහතා පවසයි.
ඔහු මේ බව සඳහන් කළේ ආර්ථික වර්ධනය දිරිගැන්වීම පිළිබඳ ඇඩ්වකාටා ආයතනය ඊයේ (23) කොළඹදී සංවිධාන කර තිබූ සමුළුවකට එක්වෙමිනි.
එහිදී වැඩිදුරටත් අදහස් දැක්වූ ඩිජිටල් ආර්ථික කටයුතු පිළිබඳ ජනාධිපති ජ්‍යෙෂ්ඨ උපදේශක ආචාර්ය හාන්ස් විජේසූරිය මහතා,
"දත්ත සෑම තැනකම විසිරිලා. බොහෝමයක් වැදගත් දත්ත. දත්ත පාලනය ඒකාබද්ධ කිරීමට දත්ත ආරක්ෂණ අධිකාරියක් අවශ්‍ය වෙනවා. ඊට දත්ත ආරක්ෂක නීතිත් අවශ්‍ය වෙනවා. දත්ත පරිපාලනය සඳහා නියත වශයෙන්ම ප්‍රමුඛතාවක් හිමිවිය යුතුයි. ඒ සඳහා ක්‍රමෝපාය සැලැස්මකුත් අවශ්‍යයි. ඒ වෙනුවෙන් සකස් කරන නීති මගින් දත්ත යොදාගත හැකි ආකාරයන් නිර්වචනය කළ යුතු වෙනවා. ජාතික දත්ත හුවමාරුවකින් දත්ත භාවිත කිරීමට හැකියාව ලබාදිය හැකියි. එහිදී කෘත්‍රිම බුද්ධි තාක්ෂණය සඳහා යොදාගත හැකි ජාතික දත්ත මූලාශ්‍රයක්ද සකස් කළ හැකි වනවා.
ප්‍රශ්නය - ඔබ මොනවද හිතන්නේ යොවුන් පරම්පරාව ගැන. ඔවුන් මීට හැඩ ගැහෙන්නේ කොහොම ද?
අපිට නවෝත්පාදන දිරිගැන්වීමට හැකියාවක් තිබෙනවා. විශේෂයෙන් යන්ත්‍ර සහ ක්‍රමෝපාය යොදාගන්නා කෘත්‍රිම බුද්ධි නවෝත්පාදන සැලකීමේදී දසදහස් ගණනක් පිරිස අවශ්‍ය වන්නේ නැහැ. රජයේ ඩිජිටල්කරණ වැඩසටහනේ ප්‍රධාන අභියෝගය තමයි විශේෂයෙන් ඩිජිටල් ආර්ථිකය කඩිනමින් හඳුන්වාදීමට ප්‍රමාණවත් ආයෝජන අවශ්‍ය වීම. එය කාර්යයන් රැසක් අවසන් කරනවා. අපට මේ ඉලක්කය කරා වසර 5කින් ළඟාවීමට අවශ්‍ය නම් අපට ඒ සඳහා අවශ්‍ය කාර්යභාරය ඇස්තමේන්තු කළ හැකියි. එම කාර්යය අතර සම්පත් මුලාශ්‍ර ගොඩනැගීම මූලික කරුණක්. අවම වශයෙන් දේශීයව 75%ක් අපට උපයාගත හැකි නම් මීළඟ පියවරට යා හැකියි. දාම ක්‍රියාවලියකදී කලින් සිදුකළ යුත්තේ කුමක්ද යන්න තීරණය කිරීම දුෂ්කර කරුණක්.
මේ නිසා කැප කිරීමකින් එම දාමය බිඳ අප යම් ආරම්භයක් ගතයුතුයි. මම හිතන්නේ කෘත්‍රිම බුද්ධිය සඳහා සම්පත් මූලාශ්‍ර ගොඩනැගීම වඩාත් පුළුල් ඩිජිටල් කර්මාන්තයේ සාමාන්‍ය සම්ප්‍රදායක්.
