මෙරට සෞදි තානාපති සහ මන්ත්‍රී දිලිත් ජයවීර අතර සුහද හමුවක්

මෙරට සෞදි අරාබියානු තානාපති Khalid bin Hamoud bin Nasser Al-Qahtani මහතා සහ සර්වජන බලය නායක පාර්ලිමේන්තු මන්ත්‍රී දිලිත් ජයවීර මහතා අතර සුහද හමුවක් අද (08) පැවැත්විය.

ඒ සෞදි අරාබියානු තානාපතිවරයා කළ ආරාධනයකට අනුවය.

එහිදී දිලිත් ජයවීර මහතා, තානාපතිවරයා සමග දීර්ඝ කතාබහක නිරත වෙමින් දෙරට අතර ඇති රාජතාන්ත්‍රික සම්බන්ධතා තවදුරටත් ශක්තිමත් කරමින් සහ අතීතයේ සිට සෞදි අරාබියානු රජය සමග ඇතිකර ගන්නා ලද සුහදශිලීත්වය පැසසුමට ලක් කළේය.

එමෙන්ම මින් ඉදිරියටත් සෞදි අරාබියානු රජයේ සහාය ශ්‍රී ලංකාවේ ආර්ථිකය නගාසිටුවීමට ලැබෙනු ඇති බවට තමන් විශ්වාස කරන බවද පාර්ලිමේන්තු මන්ත්‍රී දිලිත් ජයවීර මහතා, තානාපතිවරයාට පවසා තිබේ. 

මෙම අවස්ථාව සඳහා සර්වජන බලයේ මාධ්‍ය ලේකම් හසන් අලාල්දීන් මහතා ද සහභාගි විය.