දකුණු කොරියාවේ වෙළෙඳ ගොඩනැගිල්ලක දරුණු ගින්නක්

දකුණු කොරියාවේ ෂියොන්ග්නම් නගරයේ  වෙළෙඳ ගොඩනැගිල්ලක දරුණු ගින්නක් හටගෙන තිබේ.

ගින්න හටගෙන තිබුණේ මහල් 8කින් යුතු ගොඩනැගිල්ලේ පළමු මහලේ පිහිටි අවන්හලක් තුළයි.

ගිනිනිවීමේ මෙහෙයුම් සඳහා ගිනි නිවන රථ 82ක් සහ ගිනි නිවන සේවකයින් 100ක් පමණ යොදවා තිබුණි.

ගින්නෙන් මෙතෙක් කිසිදු මරණයක් වාර්තා වී නොමැති අතර පුද්ගලයින් 12 දෙනෙකු රෝහල්ගත කර තිබේ.

ගින්න අතරතුරදී පුද්ගලයින් තිස් දෙනෙකු ගොඩනැගිල්ලේ සිරව සිට තිබූ අතර පසුව ඔවුන් ආරක්ෂිතව මුදා ගැනීමට ගිනි නිවන සේවකයින් සමත්ව තිබුණි.