අමෙරිකාවේ ට්‍රක් රථයක ගැටී 10 දෙනෙකුට දිවි අහිමි වෙයි
January 1, 2025 06:25 pm
අමෙරිකාවේ ඕර්ලින්ස් නගරයේ බර්බන් වීදියේ සිදු වූ අනතුරකින් පුද්ගලයන් 10 දෙනෙකු මියගොස් තවත් විශාල පිරිසක් තුවාල ලබා ඇති බව විදෙස් මාධ්‍ය වාර්තා කරයි.
ඕර්ලින්ස් යනු ලුසියානා ප්‍රාන්තයට අයත් නගරයක් වන අතර, එහි බර්බන් වීදියේ ජනතාව අතරට ට්‍රක් රථයක් කඩාවැදීමෙන් මෙම අනතුර සිදුව ඇත.
අමෙරිකාවේ වේලාවෙන් අද (1) අළුයම සිදු වූ මෙම අනතුරින් අවම වශයෙන් පුද්ගලයන් 10 දෙනෙකු මියයන්නට ඇති බව නගර බලධාරීන් පවසයි.
එමෙන්ම 30 දෙනෙකු පමණ තුවාල ලබා ඇති බව සඳහන්.
අදාළ ට්‍රක් රථය අධික වේගයෙන් ජනතාව අතරට කඩාවැදී ඇති අතර, පසුව එහි රියදුරු රථයෙන් පිටතට ගොස් වෙඩි තැබීමට ද උත්සාහ දරා තිබේ.
කෙසේ නමුත් ඊට ප්‍රතිචාර ලෙසින් පොලීසිය ද ඔහු දෙසට වෙඩිතබා ඇත.
