හොරේතුඩුවේ පුද්ගල ඝාතනයක්

තියුණු ආයුධයකින් පහරදී ඝාතනය කරන ලද පුද්ගලයෙකුගේ සිරුරක් පානදුර හොරේතුඩුව ප්‍රදේශයේ මාර්ගයක් ආසන්නයේ තිබී සොයාගෙන ඇත.

පානදුර උතුර පොලීසියට ලද තොරතුරක් අනුව සිරුර සොයාගෙන තිබේ.

මිතුරන් දෙදෙනකු අතර ඇතිවූ ආරවුලක් දුරදිග යාමෙන් තියුණු ආයුධයකින් පපුව ප්‍රදේශයට පහරදී මෙම ඝාතනය සිදුකර ඇති බවට පොලීසියට පැමිණිල්ලක් ද ලැබී ඇත.

ඝාතනයට ලක්වූ පුද්ගලයා මොරටුව එගොඩඋයන ප්‍රදේශයේ පදිංචි අයෙකු බවට සැක කෙරෙයි.

ඝාතනය සිදුකළ බවට සැකකරන පුද්ගලයා ප්‍රදේශයෙන් පලාගොස් ඇති බවද පොලීසිය සඳහන් කරයි.

පානදුර උතුර පොලිස් ස්ථානාධිපති, පොලිස් පරීක්ෂක සංජීව ලක්මාල් මහතාගේ ප්‍රධානත්වයෙන් සිද්ධිය සම්බන්ධයෙන් වැඩිදුර පරීක්ෂණ සිදුකරයි.