සයුරෙන් එතෙර
තුර්කියේ පුපුරණ ද්‍රව්‍ය කර්මාන්ත ශාලාවක පිපිරීමක්
December 24, 2024 05:54 pm
වයඹ දිග තුර්කියේ කර්මාන්ත ශාලාවක සිදුවූ පිපිරීමකින් පුද්ගලයින් 12 දෙනෙකු මියගොස් තවත් සිව් දෙනෙකු තුවාල ලබා තිබේ.
පිපිරීමට හේතුව මෙතෙක් අනාවරණ වී නොමැති අතර ඒ පිළිබඳ විමර්ශන ක්‍රියාත්මක බව බලධාරීන් පවසා ඇති බව ජාත්‍යන්තර මාධ්‍ය පවසයි.
පිපිරීමෙන් පසුව කර්මාන්ත ශාලාවේ එක් කොටසක් කඩා වැටී ඇති බවත් වාර්තා වෙයි.
පිපිරීම සිදුව තිබුණේ පුපුරණ ද්‍රව්‍ය නිෂ්පාදනය කෙරෙන කර්මාන්ත ශාලාවක එක් කොටසක ය.
එහි දේශීය මෙන්ම ජාත්‍යන්තර වෙළෙඳපොළ වෙනුවෙන් ද පුපුරණ ද්‍රව්‍ය නිෂ්පාදනය කෙරෙන බව සඳහන්ය.
