විදුලිසැර වැදී අයෙක් මරුට

සෙවනගල පොලිස් වසමේ කිරිවැව ප්‍රදේශයේදී ඊයේ (21) දහවල් කාලයේ විදුලිසැර වැදීමකින් සිදු වූ අනතුරකින් පුද්ගලයෙකු මියගොස් ඇති බව පොලීසිය පවසයි.

අදාළ පුද්ගලයා සෙවනගල රෝහලට ඇතුළත් කිරීමෙන් අනතුරුව මියගොස් තිබේ.

මරණකරු වයස අවුරුදු 45ක් වූ වැලිආර, සෙවනගල ප්‍රදේශයේ පදිංචිකරුවෙකු බව සඳහන්.

ඔහු නිවසක බ්ලොක්ගල් කපමින් සිටියදී විදුලිසැර වැදී ඇති බවට දැනට සිදුකරන ලද විමර්ශනවලදී අනාවරණය වී ඇත. 

කෙසේ නමුත් මරණය සම්බන්ධයෙන් සෙවනගල පොලීසිය වැඩිදුර විමර්ශන සිදුකරනු ලබයි.