නිවසක් කොල්ලකෑ සැකකරුවෙක් අත්අඩංගුවට

ගෙවල් බිඳ දේපොළ සොරකමකට අවශ්‍ය කර සිටි සැකකරුවෙකු අයිස් මත්ද්‍රව්‍ය සමග ගල්කිස්ස කොට්ඨාස අපරාධ විමර්ශන කාර්යංශය විසින් ඊයේ (21)  අත්අඩංගුවට ගෙන තිබේ.

අපරාධ නිවාරණ රාජකාරියේ යෙදීසිටි ගල්කිස්ස කොට්ඨාස අපරාධ විමර්ශන කාර්යංශයේ නිලධාරීන් කණ්ඩායමක් ගල්කිස්ස, බඩෝවිට පාලම අසල සිදුකළ වැටලීමකදී මෙම අත්අඩංගුවට ගැනීම සිදුකර ඇත.

සැකකරු වයස අවුරුදු 29ක් වන බඩෝවිට ප්‍රදේශයේ පදිංචිකරුවෙකු වන අතර, ඔහු අත්අඩංගුවට පත්වන විට අයිස් මත්ද්‍රව්‍ය ග්‍රෑම් 12යි මිලිග්‍රෑම් 150ක්ද සිය සන්තකයේ තබාගෙන සිටි බව පොලීසිය පවසයි.

මෙම පුද්ගලයා නොවැම්බර් මස 10 වනදින දෙහිවල පොලිස් වසමේ නිවසක් බිඳ විදුලි උපකරණ ඇතුළු ගෘහ භාණ්ඩවලට අනර්ථය සිදුකිරීම හා රුපියල් ලක්ෂ 12කට අධික වටිනාකමින් යුතු රන් භාණ්ඩ හා ජංගම දුරකථන 04ක් සොරකම් කිරීමක් සම්බන්ධයෙන් අවශ්‍යව සිටි සැකකරුවෙකුද වේ.

අදාළ සැකකරු ඉහත අපරාධ සඳහා යොදාගත් කඩුවක් ද පොලීසිය විසින් සොයා ගෙන ඇත.