සයුරෙන් එතෙර
ට්‍රම්ප් - මෝදි එක මතයක
November 7, 2024 04:54 pm
ඉන්දීය අග්‍රාමාත්‍ය නරේන්ද්‍ර මෝදි අමෙරිකාවේ නව ජනාධිපතිවරයා ලෙස ජයග්‍රහණය කළ ඩොනල්ඩ් ට්‍රම්ප් ට සුබ පැතුම් එක්කර තිබේ.
විදෙස් මාධ්‍ය පැවසුවේ අමෙරිකානු ජනාධිපතිවරණයෙන් ට්‍රම්ප් ලද "විශිෂ්ට ජයග්‍රහණය" පිළිබඳ මෝදි දුරකථන ඇමතුමක් ඔස්සේ ට්‍රම්ප් ට සුබ පතා ඇති බවය.
සිය නිල X ගිණුමේ සටහනක් තබමින් අගමැති මෝදි පෙන්වා දී ඇත්තේ බලශක්ති සහ ආරක්ෂක ඇතුළු ක්ෂේත්‍ර හරහා ඉන්දු - අමෙරිකානු සබඳතා ශක්තිමත් කිරීම සඳහා ට්‍රම්ප් සමග නැවත වරක් සමීපව කටයුතු කිරීමට බලාපොරොත්තු වන බවය.
ලෝක සාමය සඳහා එක්වී කටයුතු කිරීමට නායකයන් දෙදෙනාම එකඟවී ඇති බවද ඉන්දීය මාධ්‍ය වාර්තා කරයි.
