තවත් සැකකටයුතු මරණයක්

මහනුවර පොලිස් වසමේ අම්පිටිය මීකණුව මාර්ගයේ ත්‍රිරෝද රථයක් අසල වැටී සිටි පුද්ගලයෙක් රෝහල්ගත කිරීමේ දී ජීවිතක්ෂයට පත්ව තිබේ.

ඊයේ (06) සවස පොලීසියට ලද රිය අනතුරක් සම්බන්ධ තොරතුරක් මත මේ සම්බන්ධයෙන් විමර්ශන ආරම්භ කර ඇත.

පොලීසිය විසින් සිදුකළ විමර්ශනයේදී මහනුවර දෙසට මුහුණලා මාර්ගයේ දකුණු පස බැම්මක් අසල ත්‍රීරෝද රථයක් නතර වී ඇති අතර එහි රියදුරු බවට සැකකරන පුද්ගලයා ත්‍රීරෝද රථය අසල වැටී සිටියදී නිලධාරීන් විසින් මහනුවර රෝහලට ඇතුළත් කිරීමේදී එම පුද්ගලයා මියගොස් සිට ඇත.

මියගිය පුද්ගලයා වයස අවුරුදු 47ක් වන වැරැල්ලගම ප්‍රදේශයේ පදිංචිකරුවෙක් බවට හඳුනාගෙන තිබේ.

මෘත ශරීරය පශ්චාත් මරණ පරික්ෂණය සඳහා මහනුවර රෝහලේ මෘත ශරීරාගාරයේ තැන්පත් කර ඇත.

මහනුවර පොලීසිය වැඩිදුර විමර්ශන සිදුකරනු ලබයි.