කඨින චීවර පිංකමට යන්න ගිය කාන්තාව මුහුණදුන් අවාසනාවන්ත සිදුවීම

වැල්ලවාය - මොනරාගල ප්‍රධාන මාර්ගයේ වැල්ලවාය පොලිස් බලප්‍රදේශයට අයත් ආනපල්ලම ප්‍රදේශයේ දී සිදුවූ අනතුරකින් කාන්තාවක් ජීවිතක්ෂයට පත්ව තිබේ.

කඨින චීවර වන්දනා පිංකමකට සහභාගී වීම සඳහා මාර්ගය හරහා මාරු වීමට උත්සාහ කළ කාන්තාවක් ලොරි රථයක ගැටීමෙන් මෙම අනතුර සිදුව තිබුණි.

මෙලෙස ජීවිතක්ෂයට පත්ව ඇත්තේ, ආනපල්ලම ප්‍රදේශයේ පදිංචි 65 හැවිරිදි කාන්තාවකි.

අනතුර සම්බන්ධයෙන් ලොරි රථයේ රියැදුරු වැල්ලවාය පොලීසිය විසින් අත්අඩංගුවට ගෙන ඇති අතර රියදුරු වැල්ලවාය මහෙස්ත්‍රාත් අධිකරණයට ඉදිරිපත් කිරීමට නියමිතය.

අනතුර සම්බන්ධයෙන් වැල්ලවාය පොලීසිය විසින් වැඩිදුර විමර්ශන සිදුකරයි.