නාගවිල්ලුවේ වැටලීමෙන් කොටුවූ දෙදෙනා

අයිස් මත්ද්‍රව්‍ය, විදේශීය දුම්වැටි සහ නීතිවිරෝධී මත්පැන් තොගයක් සමග සැකකරුවන් දෙදෙනෙක් පුත්තලම නාගවිල්ලුව ප්‍රදේශයේදී අත්අඩංගුවට ගෙන තිබේ.

ඒ, ශ්‍රී ලංකා නාවික හමුදාව සහ පොලිස් මත්ද්‍රව්‍ය නාශක කාර්යංශය එක්ව ඊයේ (01) පුත්තලම, නාගවිල්ලුව ප්‍රදේශයේ සිදුකළ විශේෂ ඒකාබද්ධ සෝදිසි මෙහෙයුමකදී ය.

එහිදී අලෙවි කිරීමට සූදානම් කර තිබූ අයිස් මත්ද්‍රව්‍ය ග්‍රෑම් 08ක්, විදේශීය දුම්වැටි 320ක්, ගෝඩා ලීටර් 440ක් සහ නීතිවිරෝධී ලෙස සකස් කළ ස්ප්‍රීතු හා මත්පැන් ලීටර් 100ක් නිලධාරීන් භාරයට ගෙන ඇත.

සැකකරුවන් අවුරුදු 28ක් සහ 39ක් වන පාලවිය සහ පුත්තලම යන ප්‍රදේශයන්වල පදිංචිකරුවන් ය.

සැකකරුවන් සම්බන්ධයෙන් ඉදිරි විමර්ශන ක්‍රියාත්මකය.