අල්ලස් ගත් ග්‍රාම නිලධාරීවරයෙක් අත්අඩංගුවට

මහනුවර, හීරැස්සගල ප්‍රදේශයේ අල්ලස් ලබාගත් ග්‍රාම නිලධාරීවරයෙක් අල්ලස් හෝ දූෂණ චෝදනා විමර්ශන කොමිසම මඟින් අත්අඩංගුවට ගෙන තිබේ. 

ග්‍රාම නිලධාරීවරයා ඉඩම් ගැටලුවක් විසඳීම සඳහා කාන්තාවකගෙන් රුපියල් 25,000ක මුදලක් ඉල්ලා ඇති අතර ඒ සම්බන්ධයෙන් අදාළ කාන්තාව කොමිසමට පැමිණිලි කර ඇත.

ඒ අනුව ඊයේ (25) විමර්ශන නිලධාරීන් විසින් අල්ලස් මුදල ලබා දෙන අවස්ථාවේදී ම ග්‍රාම නිලධාරීවරයා අත්අඩංගුවට ගෙන තිබුණි.

අත්අඩංගුවටගත් ග්‍රාම නිලධාරීවරයා ලබන මස 09 දින දක්වා රක්ෂිත බන්ධනාගාරගත කිරීමට මහනුවර අධිකරණය නියෝග කර ඇත.