ආයෝජකයින්ට හිතකර පරිසරයක් ඇතිවෙලා
May 23, 2015 08:40 am
වර්තමානයේ ශ්රි ලංකාව තුළ ආයෝජකයින්ට හිතකර පරිසරයක් ගොඩනැගී ඇති බව විදේශ අමාත්ය මංගල සමරවීර මහතා පවසයි.
ජිනීවා හිදී ජර්මානු නියෝජිතයින් පිරිසක් අමතමින් විදේශ අමාත්ය මංගල සමරවීර මහතා මේ බව පවසා තිබේ.
ඔහු පවසන්නේ ශ්රී ලංකාවේ නව පාලනය මගින් මෙම තත්ත්වය උදා කර ඇති බවයි.
මේ වන විටත් ශ්රී ලංකාව ජර්මානු සංචාරකයින්ගේ ආකර්ශනය දිනාගැනීමට සමත්ව ඇති බව එහිදී අමාත්යවරයා කීවේය
එසේම ලංකාව තුළ වර්තමානයේ අධිකරණයේ ස්වාධීනත්වය ගොඩනගා ඇති බැවින් ආයෝජකයින්ට බියෙන් සැකෙන් තොරව ශ්රී ලංකාවේ ආයෝජනය කිරීමේ හැකියාව ඇති බව හෙතෙම පෙන්වා දුන්නේය.
ඒහිදී අමාත්යවරයා තවදුරටත් ප්රකාශ කර ඇත්තේ කාලයක පටන් ජර්මනිය සමඟ පවතින දෙරට අතර ද්වීපාර්ශවික ගනුදෙනු තවත් ශක්තිමත් කර ගැනීමට ශ්රීලංකාව අපේක්ෂාවෙන් සිටින බවයි.