පොලිස් අණ නොතැකූ වැලි ලොරියට වෙඩි - රියදුරු පලා යයි

කිලිනොච්චිය, ධර්මපුරම් ප්‍රදේශයේදී පොලිස් අණ නොතකා ධාවනය කළ ලොරි රථයකට පොලීසිය විසින් වෙඩි ප්‍රහාරයක් එල්ල කර තිබේ.

අද (01) අලුයම ධර්මපුරම් ප්‍රදේශයේ වේගයෙන් ධාවනය වූ ලොරි රථයක් මාර්ග බාධකයේදී නවත්වා පරීක්ෂා කිරීමට පොලීසිය උත්සාහ දරා ඇත.

එහිදී පොලිස් සංඥා නොතකා අදාළ ලොරි රථය ධාවනය කිරීම හේතුවෙන්, ලොරියේ රෝදවලට පොලීසිය විසින් වෙඩි තබා තිබේ.

වෙඩි තැබීමෙන් අනතුරුව සැකකාර රියදුරා එම ස්ථානයෙන් පලා ගොස් ඇත.

අදාළ ලොරි රථයේ බලපත්‍ර නොමැතිව වැලි ප්‍රවාහනය කරමින් තිබූ බව පොලීසිය සඳහන් කරයි.

පලා ගිය සැකකරු අත්අඩංගුවට ගැනීම සඳහා ධර්මපුරම් පොලීසිය වැඩිදුර විමර්ශන සිදුකරයි.