ජාතික විදුලි ප්‍රතිපත්තිය සඳහා මහජන අදහස් ලබාගැනීම ඇරඹේ

ජාතික විදුලි ප්‍රතිපත්තිය සඳහා මහජන අදහස් ලබා ගැනීම මේ වන විට ආරම්භ කර ඇති බව බලශක්ති අමාත්‍යාංශය පවසයි.

2024 අංක 36 දරන ශ්‍රී ලංකා විදුලිබල (සංශෝධිත) පනතේ 4 වන වගන්තියේ විධිවිධාන ප්‍රකාරව, ජාතික විදුලිබල ප්‍රතිපත්තියේ (National Electricity Policy) කෙටුම්පත සකස් කර ඇත.

ඒ අනුව, එම කෙටුම්පත මේ වන විට https://energymin.gov.lk/  යන බලශක්ති අමාත්‍යංශ වෙබ් අඩවියේ සිංහල, දමිළ සහ ඉංග්‍රීසි යන භාෂාත්‍රයෙන් පළ කර ඇති අතර, මේ සම්බන්ධයෙන් උනන්දුවක් දක්වන පාර්ශවයන් වෙතින් අදහස් ලබා ගැනීමට අපේක්ෂා කරන බව බලශක්ති අමාත්‍යාංශය සඳහන් කරයි.

මේ සම්බන්ධයෙන් උනන්දුවක් දක්වන පාර්ශවයන් වෙතොත්, 2026 ජනවාරි 09 වන දින හෝ එදිනට ප්‍රථම පහත සඳහන් ක්‍රමවේද ඔස්සේ අප වෙත ලබා දිය හැක.

විද්‍යුත් තැපෑල  : neac@energymin.gov.lk

ලිපි මගින්   : ලේකම්, බලශක්ති අමාත්‍යාංශය, අංක 437, ගාලු පාර, කොළඹ 03.

ෆැක්ස් අංකය  : 0112 574 752

මේ සම්බන්ධයෙන් වැඩි විස්තර සඳහා දුරකථන අංකය : 0112 574 922 (දිගු අංකය 509/ 510/ 403) ඇමතීමෙන් ලබා ගත හැකිය.