උඩරට මාර්ගයේ දුම්රිය ගමන් වාර රැසක් අවලංගු කෙරේ

ඉහළ කෝට්ටේ දුම්රිය ස්ථානය ආසන්නයේ අද (19) සිදුවූ දුම්රිය පීලිපැනීම හේතුවෙන් හෙට (20) උදෑසන උඩරට මාර්ගයේ දුම්රිය ගමන් වාර රැසක් අවලංගුවන බව දුම්රිය දෙපාර්තමේන්තුව පවසයි.

ඒ අනුව හෙට,

පෙ.ව. 5.55 - කොළඹ කොටුව සිට බදුල්ල (පොඩි මැණිකේ),

පෙ.ව. 7.00 - කොළඹ කොටුව සිට මහනුවර (නගරාන්තර සීඝ්‍රගාමී),

පෙ.ව. 8.30 - කොළඹ කොටුව සිට බදුල්ල (උඩරට මැණිකේ),

පෙ.ව. 9.45 - කොළඹ කොටුව සිට බදුල්ල (සීඝ්‍රගාමී),

පෙ.ව. 10.35 - කොළඹ කොටුව සිට මාතලේ යන දුම්රිය අවලංගු කර ඇත.

එමෙන්ම බදුල්ල, මාතලේ හා මහනුවර සිට ධාවනය ආරම්භවන දුම්රිය ගමන්වාර කිහිපයක්ද අවලංගු කර තිබේ.

ඒ අනුව,

පෙ.ව. 4.50 - මාතලේ සිට කොළඹ කොටුව

පෙ.ව. 5.00 මහනුවර සිට බෙලිඅත්ත

පෙ.ව. 6.15 මහනුවර සිට කොළඹ කොටුව

පෙ.ව. 8.30 බදුල්ල සිට කොළඹ කොටුව

යන දුම්රියන්ද ධාවනය ද අවලංගු කිරීමට පියවර ගත් බව දුම්රිය දෙපාර්තමේන්තුව සඳහන් කළේය. 

කෙසේවෙතත් මහනුවර සහ බදුල්ල අතර දුම්රිය ධාවනය සාමාන්‍ය පරිදි සිදුකෙරෙනු ඇත.

ඒ අනුව බදුල්ල දුම්රිය ස්ථානයෙන් පෙ.ව. 5.30ට කොළඹ කොටුව බලා ධාවනය වන දුම්රිය, මහනුවර දුම්රිය ස්ථානය දක්වා හෙට දින ධාවනය කිරීමට ද සැලසුම්කර තිබේ.