හිටපු ජනාධිපති මහින්ද තංගල්ලේ කාල්ටන් නිවසට

UPDATE: 07.23 pm

හිටපු ජනාධිපති මහින්ද රාජපක්ෂ මහතා අද (11) පස්වරු 5.00ට පමණ තංගල්ලේ පිහිටි කාල්ටන් නිවසට පැමිණ තිබේ.

එම අවස්ථාව වන විටත් අති විශාල ජනකායක් එහි රැස්ව සිටි අතර එහිදී ඔවුන්ගෙන් හිටපු ජනාධිපතිවරයාට උණුසුම් පිළිගැනීමක් ද ලැබිණි.

---------------------------------------------------------

හිටපු ජනපති මහින්ද විජේරාම නිල නිවසින් පිටව යයි

September 11, 2025   01:29 pm

හිටපු ජනාධිපති මහින්ද රාජපක්ෂ මහතා විජේරාමයේ පිහිටි සිය නිල නිවසින් අද (11) දහවල් 1.15ට පමණ නික්ම ගියේය.

ඒ "ජනාධිපතිවරුන්ගේ හිමිකම් ඉවත් කිරීමේ" පනතේ විධිවිධානයන් අනුව හිටපු ජනාධිපතිවරුන් සඳහා ලබා දී ඇති නිල නිවාස ඔවුන්ට යළි රජයට භාරදීමට සිදුවීමත් සමඟය.

හිටපු ජනාධිපති මහින්ද රාජපක්ෂ මහතා අද වනතුරු නිල නිවස භාවිත කරනු ලැබූ අතර, ඊයේ (10) දිනයේ සම්මත වූ පනතට අනුව ඔහුට ද එම වරප්‍රසාදය අහිමි වී ගියේය.

ඒ අනුව ඔහු විජේරාමයේ පිහිටි නිල නිවසින් නික්ම අද දහවල් හම්බන්තොට කාල්ටන් නිවස වෙත මෙලෙස ගමන් ඇරඹීය.