අලුත් අවුරුදු නැකැත් සීට්ටුව ජනපතිට පිළිගන්වයි
April 10, 2024 02:24 pm
සිංහල හා දෙමළ අලුත් අවුරුදු නැකැත් සීට්ටුව සාම්ප්රදායික චාරිත්රානුකූලව ජනාධිපති රනිල් වික්රමසිංහ මහතා වෙත පිළිගන්වා තිබේ.
ඒ, අද (10) පෙරවරුවේ ජනාධිපති කාර්යාලයේ දී ය.
සංස්කෘතික කටයුතු දෙපාර්තමේන්තුවේ රාජ්ය නැකැත් කමිටුව විසින් සකස් කරන ලද නිවැරදි නැකැත් සීට්ටුව එලෙස ජනාධිපතිවරයා වෙත පිළිගැන්වූ බව ජනාධිපති මාධ්ය අංශය පවසයි.
නැකැත් සීට්ටුව බුද්ධශාසන, ආගමික හා සංස්කෘතික කටයුතු අමාත්ය විදුර වික්රමනායක මහතා විසින් ජනාධිපතිවරයා වෙත පිළිගැන්වීම සිදු කළේය.
අලුත් අවුරුදු උදාව, පුණ්ය කාලය, ආහාර පිසීම, ලිප ගිනි දැල්වීම, ආහාර අනුභවය, හිසතෙල් ගෑම සහ නව වසරේ රැකියා සඳහා පිටත්ව යාම ආදී සුබ මුහුර්තයන් නැකත් සීට්ටුවට ඇතුළත්ය.