ගාසා තීරයෙන් පිට ව යන රථ පෙළකට ප්‍රහාරයක්
October 15, 2023 07:45 am
උතුරු ගාසා තීරයෙන් පිට ව යන රථ පෙළකට මාරාන්තික ප්‍රහාරයක් එල්ල වී තිබේ.
BBC වාර්තා කරන පරිදි, උතුරු ගාසා තීරයෙන් පිට ව යන සිවිල් වැසියන් ගේ රථ පෙළකට මෙම පහර දීම සිදු කර ඇත.
එම දර්ශන ද BBC විසින් උඩුගත කර තිබේ.
ප්‍රහාරයෙන් කුඩා ළමුන් ඇතුළු සිවිල් වැසියන් කිහිප දෙනෙකු මිය ගිය බව වාර්තා වේ.
ප්‍රහාරයෙන් හානි වූ සහ ගිනිගත් වාහන කිහිපයක් ඒ ආසන්නයේ දක්නට ලැබෙන බව ද සඳහන්ය.
ගාසා නගරයේ තදාසන්න ප්‍රදේශයේ සිට කිලෝමීටර් කිහිපයක් දකුණින් මෙම ප්‍රහාරය සිදු ව ඇති බව වාර්තා වේ.
