වී එෆ්. එම් කළමනාකාර අධ්‍යක්ෂකට ප්‍රහාරයක්

වී එෆ්. එම් ගුවන්විදුලි නාලිකාවේ කළමනාකාර අධ්‍යක්ෂ රුවන් සුගතදාස මහතාට අද(02) රාත්‍රියේ කිසියම් නාඳුනන පිරිසක් විසින් පහර දී තිබේ.

අද රාත්‍රී 7 .20 ට පමණ බොරලැස්ගමුව, ගංගාරාම පාරේ පිහිටි සිය නිවස වෙත පැමිණි නාඳුනන පුද්ගලයින් තිදෙනෙකු විසින් තමන්ට පහරදුන් බව සුගතදාස මහතා සඳහන් කළේය.

මේ වනවිට තමන් රෝහල්ගතව ප්‍රතිකාර ලබන බව ද ඒ මහතා ප්‍රකාශ කළේය.

මෙසේ පහරදීමේ සිද්ධියක් පිළිබඳව වාර්තා වී ඇති බව අද දෙරණ කළ විමසීමකදී බොරලැස්ගමුව පොලිසිය පැවසීය.