පාසල් සිසුන් තිදෙනෙක් දියේ ගිලී අතුරුදන්
February 17, 2023 02:33 pm
මාතර වැල්ලමඩම මුහුදු තීරයේ දිය නෑමට ගිය පාසල් සිසුන් තිදෙනෙකු දියේ ගිලී අතුරුදන් ව තිබේ.
අද (17) පෙරවරුවේ සිසුන් පිරිසක් මුහුදේ දිය නාමින් සිටියදී ඉන් තිදෙනෙකු මෙලෙස දියේ ගිලී අතුරුදන්ව ඇති බව පොලීසිය පවසයි.
අතුරුදන්ව ඇත්තේ 17 හැවිරිදි පාසල් සිසුන් තිදෙනෙකි.
ඔවුන් උපකාරක පන්ති යන බව පවසා මුහුදේ දිය නෑමට ගොස් ඇති බවට ද පොලීසිය සිදුකළ මූලික විමර්ශන වලදී අනාවරණය වී ඇත.
අතුරුදන් වූවන් සොයා නාවික හමුදාවේ ද සහය ඇතිව මෙහෙයුම් සිදුකරන බව මාතර පොලීසිය සඳහන් කළේය.