කෝටි 3කට අලෙවි කිරීමට ගිය නිධන් වස්තු
January 23, 2023 09:36 am
නිධානයකින් ලබාගත් බවට සැකකෙරෙන පුරාවස්තු විකිණීම සඳහා ළඟ තබාගෙන සිටි සැකකරුන් තිදෙනෙක් අත්අඩංගුවට ගෙන ඇත.
පානදුර මධ්‍යම දුෂණ මර්දන ප්‍රහාරක ඒකකයේ නිලධාරීන්ට ලද තොරතුරකට අනුව ඊයේ (22) කළුතර ප්‍රදේශයේ පිහිටි හෝටලයක රථ ගාලක් අසල සිදුකළ වැටීමක දී එම සැකකරුන් අත්අඩංගුවට ගෙන තිබේ.
මෙම ජාවාරම මෙහෙයවන ලද ප්‍රධාන සැකකරු සෞඛ්‍ය හේතුන් මත යුද හමුදාවෙන් විශ්‍රාමිත ගැන්වූ සෙබළෙකු වන බවට අනාවරණය වී තිබේ.
එම සැකකරු 34 හැවිරිදි මොරගහකන්ද ප්‍රදේශයේ පදිංචිකරුවෙකි.
අනෙක් සැකකරුවන් දෙදෙනා අවුරදු 36ක් සහ 42 ක් වන ගන්දර හා කළුවාමෝදර ප්‍රදේශයේ පදිංචිකරුවන් බව හෙළි වී ඇත.
සැකරුවන්ගෙන් සිදුකළ ප්‍රශ්න කිරීම්වලදී එම භාණ්ඩවල වටිනාකම රුපියල් කෝටි 03කට අලෙවි කිරීමට සූදානම් කර තිබූ බවට අනාවරණය වී තිබේ.
සැකකරුවන් අද (23) කළුතර මහෙස්ත්‍රාත් අධිකරණයට ඉදිරිපත් කිරීමට නියමිතය.
කළුතර උතුර පොලීසිය හා පානදුර මධ්‍යම දුෂණ මර්දන ප්‍රහාරක ඒකකය වැඩිදුර විමර්ශන සිදුකරයි.
පොලිස් භාරයට ගත් භාණ්ඩවල ඡායාරූප පහතින් දැක්වේ.
