සුවසැරිය ගොඩගන්න හර්ෂ උදව් ඉල්ලයි

දෛනිකව රෝගීන් දහස් ගණනකට සේවා සපයන සුව සැරිය ගිලන් රථ සේවය මුදල් නොමැතිකමින් පවත්වා ගෙනයෑම අසීරුවී ඇතැයි මන්ත්‍රී හර්ෂ ද සිල්වා මහතා පාර්ලිමේන්තුවේදී හෙළිකළේය.

"අපිට දැන් සර්විස් කරන්න බෑ. රිපෙයාර් කරන්න බෑ. ඒ ආයතනයට අපි රුපියල් මිලියන 62ක් ගෙවන්න තියෙනවා. ඊ ළඟට ෂොක්ඇබ්සෝබර් දාන්න විදියක් නෑ. ඒකට සල්ලි නෑ. බැටරි දාන්න විදියක් නෑ. රුපියල් මිලියන 2.5ක් ගෙවන්න තියෙනවා.  නැත්නම් මේක නවත්වන්න වෙනවා. රුපියල් මිලියන 220ක් අවශ්‍යයි."

ඊට ප්‍රතිචාර වශයෙන් මුදල් රාජ්‍ය අමාත්‍ය ෂෙහාන් සේමසිංහ මහතා පැවසුවේ සුවසැරිය ගිලන්රථ සේවය පිළිබඳ විශේෂ අවධානයක් යොමුකරන බවය.