
'ක්ලීන් ශ්රී ලංකා' වැඩසටහන යටතේ රුපියල් ලක්ෂ 185ක වියදමින් නවීකරණය කරන ලද බලංගොඩ ප්රධාන බස් නැවතුම්පොළේ පොදු වැසිකිළි පද්ධතිය අද(22) ජනතා අයිතියට පත් කෙරිණි.
රත්නපුර දිස්ත්රික් පාර්ලිමේන්තු මන්ත්රී වසන්ත පුෂ්පකුමාර මහතාගේ මැදිහත්වීම මත ක්රියාත්මක වූ මෙම ව්යාපෘතියේ පූර්ණ අධීක්ෂණය බලංගොඩ නගර සභාව මගින් සිදු කරන ලදී.
බලංගොඩ නගරයට පැමිණෙන දේශීය හා විදේශීය ජනතාවට සුවපහසු සහ පිරිසිදු ලෙස භාවිත කළ හැකි පරිදි සකස් කර ඇති මෙම පොදු වැසිකිළි පද්ධතියේ විශේෂාංග රැසකි.
* ආබාධිත පුද්ගලයන්ට පහසුවෙන් ඇතුළු වී පරිහරණය කළ හැකි පහසුකම් සලසා තිබීම.
* කුඩා දරුවන්ට ද පහසුවෙන් භාවිත කළ හැකි ආකාරයෙන් සකස් කර තිබීම.
* පූර්ණ ආලෝක පද්ධතියක් සවි කර තිබීම.
* වැසිකිළි පද්ධතියේ පිටත කොටස ආකර්ෂණීය විසිතුරු පැළවලින් අලංකාර කර තිබීම.
මෙහි ඇති තවත් විශේෂත්වයක් වන්නේ අපජලය පිරිපහදු කර මුදාහැරිය හැකි විශේෂ ගලි පද්ධතියක් ස්ථාපිත කර තිබීමයි.
ඒ හරහා මෙතෙක් ගලි සඳහා බලංගොඩ නගර සභාව දැරූ වියදම 60%කින් අඩු කර ගැනීමට හැකි වනු ඇත.
















































