
නුවරඑළිය දිස්ත්රික්කයේ පිහිටි ප්රධාන මාර්ගවල අවදානම් සහිත වංගුවල සහ අධික බෑවුම් සහිත ස්ථානවල ආරක්ෂිත යකඩ වැටක් ඉදිකිරිමේ කටයුතු නෝර්වුඩ් මාර්ග සංවර්ධන අධිකාරි කාර්යාල මගින් ආරම්භ කර ඇත.
ජාත්යන්තර ප්රමිතියට සහ තාක්ෂණයට අනුකූලව මෙම ආරක්ෂිත වැට හැටන්- කොළඹ ප්රධාන මාර්ගයේ කිතුල්ගල සිට තලවකැලේ දක්වාත්, තලවකැලේ - පුඩළුඔය මාර්ගයේත්, ගිනිගත්හේන දියගල හරහා ශ්රී පාද මාර්ගයේත් ඉදිකිරීමට නියමිතය.
නුවරඑළිය දිස්ත්රික් සංවර්ධන කමිටුවේ සභාපති සහ පා.ම. මංජුල සුරවිආරච්චි මහතා සඳහන් කළේ මෙම වසර අවසානවීමට ප්රථම කි.මී. 10.5ක් දුරට යකඩ වැට ඉදිකර අවසන් කරන බවය.
එම මාර්ගවල පසුගිය කාලය තුළ සිදුවූ අධික රිය අනතුරු හේතුවෙන් මෙම ආරක්ෂිත වැට ඉදි කිරිමට කටයුතු කල බවත්, සහ 2026-2027 ශ්රීපාද වන්දනාවාරයට පෙර ඉදිකිරීම් කඩිනම් කර ඇති බවද පැවසීය.
එමෙන්ම රාත්රී කාලයේ එම මාර්ගවල වාහන ධාවනය කිරිමේදි රියදුරාට එම ආරක්ෂිත වැට පැහැදිලිව දිස්වන ආකාරයට ආලෝකයක් විහිදුවන ආකාරයේ සංඥාවක්ද එම ආරක්ෂිත වැට තුලින් නිකුත් කරන බවත හෙතෙම සඳහන් කළේය.



















































