
දැවැන්ත හස්තියෙකු වන 'ගජබාහු' සැරිසරන යාං ඔය, වාහල්කඩ ප්රදේශයන්හි අද (18) හස්ති සේනා මෙහෙයුමක් දියත් කළේය.
කැබිතිගොල්ලෑව, යාං ඔය සහ වාහල්කඩ ප්රදේශ ආශ්රිතව සැරිසරන මෙම හස්තියා මෙරට ඉතිරිව සිටින සුවිශේෂී සද්දන්තයින් අතරින් කෙනෙකු ලෙස ගෞරවයට පාත්ර වී තිබේ.
වනඅලි ඇතුන්ගේ ජීවිත ආරක්ෂා කිරීමත්, මිනිස් ජීවිත හා දේපොළ සුරක්ෂිත කරමින් අලි–මිනිස් ගැටුම අවම කිරීම් අරමුණු කරගනිමින් මෙම හස්ති සේනා ජාතික මෙහෙයුම ක්රියාත්ක වේ.
වාහල්කඩ, ඉස්සන්වැව, පුංචිමුදාගම, ගල්කඩවල සහ යාං ඔය අලුත් පාර ඇතුළු ප්රදේශ රැසක් ආවරණය කරමින් මෙම විශේෂ මෙහෙයුම ක්රියාත්මක විය.
මෙම මෙහෙයුම සඳහා යුද හමුදා නිලධාරීන් 11ක්, සෙසු නිලයන් 60ක් ඇතුළුව 71 දෙනෙකුගෙන් සමන්විත යුද හමුදා කණ්ඩායමක් එක්ව සිටියහ.
එමෙන්ම වනජීවී සංරක්ෂණ දෙපාර්තමේන්තුව නියෝජනය කරමින් සහකාර අධ්යක්ෂ චන්න සුරවීර මහතා ඇතුළු මැදවච්චිය අඩවි ආරක්ෂක වනජීවී කාර්යාලයේ අඩවි ආරක්ෂකවරුන් 3ක්, අඩවි සහකාරවරුන් 5ක්, වනජීවී නියාමකවරුන් 13ක් සහ ජ්යෙෂ්ඨ සහායක නිලධාරීන් 4ක්ද මෙම මෙහෙයුමට එක්ව සිටී.
එමෙන්ම සිවිල් ආරක්ෂක දෙපාර්තමේන්තුවේ නිලධාරීන් 30 දෙනෙකු ද මෙම විශේෂ මෙහෙයුම සඳහා සිය දායකත්වය ලබාදී ඇත.

















































