පුනරුත්තාපනය ලැබූ පුද්ගලයින් යළි මත්ද්‍රව්‍ය භාවිතයට යොමුවීමේ සැලකිය යුතු අඩුවක් දක්නට ලැබෙන බව පුනරුත්තාපන කාර්යංශය පවසයි.
එහි අධ්‍යක්ෂ ජනරාල් බ්‍රිගේඩියර් එම්.එස්.හමීඩ් මහතා පවසන්නේ එය පසුගිය වසරට සාපේක්ෂව සියයට 13ක ප්‍රතිශතයක් බවයි.
රටම එකට ජාතික මෙහෙයුම පිළිබඳව දැනුවත්කිරීම සදහා ඊයේ කොළඹ පැවති මාධ්‍ය හමුවකට එක්වෙමින් බ්‍රිගේඩියර් එම්.එස්.හමීඩ් මහතා මෙම අදහස් පළකළේය.
"මත්ද්‍රව්‍යට ඇබ්බැහි වූ පුද්ගලයින්ගේ, අපේ මධ්‍යස්ථානවලට ආපු අයගෙන් 14%ක් හෝටල් කර්මාන්තයේ එහෙම නැත්නම් සංචාරක කර්මාන්තයේ නියලුනු පුද්ගලයින්. ඒ වගේම තමයි හෝටල් ක්ෂේත්‍රවලින් අපිට ඉල්ලීම් ආව. මේ වෙනකොට අපි හෝටල් ක්ෂේත්‍රය කේන්ද්‍ර කරගෙන විවිධ දිස්ත්‍රික්කවල, ගම්පහ දිස්ත්‍රික්කයේ එකක් පැවැත්වුවා. දකුණු පළාතේ එක වැඩසටහනක් පැවැත්වුවා. අපි ලබන නවවෙනිදා දඹුල්ල කේන්ද්‍ර කරගෙන සීගිරිය සහ දඹුල්ල ප්‍රදේශවල තියෙන ප්‍රධාන සංචාරක හෝටල්වල සේවක සේවිකාවන් දැනුවත්කිරීමේ වැඩසටහන්වලට අපි කටයුතු කරන්න අපි ඉන්නවා. විශේෂ ප්‍රගතියක් තියෙනවා අන්ති ඒවට සාපේක්ෂව.
අන්තරායාකර ඖෂධ භාවිත නොකරන පිරිස 2025 දී අපේ අධ්‍යයනවලදී අපි දැක්කේ 31.4%ක්. පුනරුත්ථාපනයෙන් පසු අන්තරායාකර ඖෂධ භාවිත නොකළ පුද්ගලයින්. නමුත් මේ වසරේ මේ වන විට 2026 පළමු මාසේ පළවෙනි දින සිට 2026 දහවෙනි මාසේ 30 වෙනි දින වෙනකොට විශාල ප්‍රගතියක් අපි දකිනවා 45.18%ක්. ඒක පසුගිය වසරට වඩා 13.74ක ප්‍රගතියක්. ඒ වගේම තමයි පුනරුත්ථාපනයෙන් පසු භාවිතා කරන පුද්ගලයින් ඇවිල්ලා 5.34කින් අඩු වෙලා තියෙනවා. 2025 දී ඒ වාර්තාව අනුව 24.5%යි. මේ වසරේ මේ වන විට 19.21යි.
සම්පූර්ණ ශ්‍රී ලංකාවේ අර්බුදයට මේ ලක්වෙලා ඉන්න පුද්ගලයින්ගෙන්, ඒ වගේම තමයි ඔවුන්ගේ පවුල්වල උදවියගෙන් මම ඉල්ලා සිටින්න අවශ්‍යයි 0769627761 කියන අංකයට අපිට අමතන්න. ඔබට නීතියෙන් ඔබව පුනරුත්ථාපනයට භාජනය කරනකම් බලන් ඉන්න එපා. මේක අවස්ථාවක් කරගන්න. ඔබට ස්වේච්ඡාවෙන් පුනරුත්ථාපනය වෙන්න පුළුවන්. "
