උණුසුම් පුවත්
ඥානසාර හිමිට පොදු සමාව ලබා දෙන ලෙස ඉල්ලා පෙත්සමකට අත්සන් ගැනීම අද දෙවිනුවරින් ඇරඹෙයි
සිරගතව සිටින පූජ්‍ය ගලගොඩඅත්තේ ඥානසාර හිමිට ජනපති පොදු සමාව ලබා දෙන ලෙස ඉල්ලා අත්සන් ලක්ෂ 50කින් යුත් පෙත්සමකට අත්සන් ලබා ගැනීම අද (09) දකුණු පළාත කේන්ද්‍ර කරගනිමින් ආරම්භ විය.
පූජ්‍ය තිත්තගල්ලේ ආනන්දසිරි හිමි ප්‍රමුඛ සංඝරත්නය විසින් ආරම්භ කර ඇති මෙම අත්සන් ලබා ගැනීමේ පෙත්සම පසුව ජනාධිපතිවරයා වෙත භාර දීමටද නියමිතව ඇත.
ඒ අනුව අද උදෑසන මහා සංඝරත්නය විසින් පළමුව දෙවිනුවර ශ්‍රී විශ්ණු දේවාලය වෙත ගොස් දේව කන්නලව්වක්ද සිදුකරනු ලැබූ අතර පසුව අත්සන් ලබා ගැනීම ආරම්භ කරනු ලැබීය.
පූජ්‍ය තිත්තගල්ලේ ආනන්දසිරි හිමියන් පැවසුවේ අද දිනය පුරාවට දෙවිනුවර, මාතර, වැලිගම, හබරාදුව හා ගාල්ල යන නගරවලදී මෙම අත්සන් ලබා ගැනීමට නියමිත බවත් හෙට දිනයේදී කොළඹ දිස්ත්‍රික්කයේ කේන්ද්‍ර කරගනිමින් මෙම වැඩසටහන පැවැත්වෙන බවය.
