උණුසුම් පුවත්
ඥානසාර හිමිගේ නඩුව කල්යයි
මාස නවයක සිරදඬුවම් නියම වී සිටින බොදු බල සේනා සංවිධානයේ ලේකම් පූජ්‍ය ගලගොඩඅත්තේ ඥානසර හිමියන්ට එරෙහි නඩුකරය පෙබරවාරි මස 25 වැනිදා යළි කැඳවන දෙස කොළඹ මහෙස්ත්‍රාත් අධිකරණය නියම කර තිබේ.
මෙම නඩුකරය අද (07) කැඳවූ අවස්ථාවේදී ඥානසාර හිමියන් ගිහි ඇඳුමින් අධිකරණයට ඉදිරිපත් කර තිබුණි.
උන්වහන්සේගේ නීතිඥවරයා සඳහන් කළේ, මෙම සිරදඬුවමට එරෙහිව සේවාදායකහිමියන් මේ වන විට ශ්‍රේෂ්ඨාධිකරණයට අභියාචනයක් ඉදිරිපත් කර ඇති බවත් එහි තීරණය ලැබෙන තෙක් මෙම දඬුවම් ක්‍රියාත්මක කිරීම කල්තබන ලෙසය.
ඉන් අනතුරුව මෙම නඩුකරය පෙබරවාරි මස 25 වැනිදා කැඳවන ලෙස අධිකරණය නියම කළේය.
