UPDATE 8.03PM -
අධිකරණ සංවිධාන සංශෝධන පනත් කෙටුම්පත වැඩි ඡන්ද 96කින් සම්මත කෙරේ
අධිකරණ සංවිධාන සංශෝධන පනත් කෙටුම්පත තෙවනවර කියවීම අද (25) පාර්ලිමේන්තුවේදී සංශෝධන රහිතව වැඩි ඡන්ද 96කින් සම්මත කෙරුණි.
එහිදී ඊට පක්ෂව ඡන්ද 158ක් සහ විපක්ෂව ඡන්ද 62 ක් හිමිවිය.
ඒ අනුව කථානායක වෛද්ය ජගත් වික්රමරත්න මහතා පාර්ලිමේන්තුවට දැනුම්දුන්නේ අධිකරණ සංවිධාන සංශෝධන පනත් කෙටුම්පත තෙවනවර කියවීම සංශෝධන රහිතව වැඩි ඡන්ද 96කින් සම්මත කෙරුණු බවය.
22 වන ආණ්ඩුක්රම ව්යවස්ථා සංශෝධන පනත් කෙටුම්පතේ තෙවනවර කියවීම සංශෝධන සහිතව විශේෂ බහුතර ඡන්දයෙන් සම්මත කරගන්නා ලදී. (update - 19.48)
------------------------
22 වන ආණ්ඩුක්රම ව්යවස්ථා සංශෝධන පනත් කෙටුම්පතේ දෙවනවර කියවීම විශේෂ බහුතර ඡන්දයෙන් අද (25) පාර්ලිමේන්තුවේදී සම්මත විය.
එහිදී ඊට පක්ෂව ඡන්ද 158 ක් සහ විපක්ෂව ඡන්ද 63ක් හිමිවිය.
විපක්ෂය ඇතුළු සිවිල් සංවිධානවල විරෝධය මැද මෙය සම්මත කර ගැනීමට සිදුවිය.
මෙම පනත් කෙටුම්පත්වල ඇති කරුණු අභියෝග කරමින් පෙත්සම් රැසක් සහ ඊට සහාය පළකරමින් අතරමැදි පෙත්සම් ඇතුළුව පෙත්සම් රැසක් ඉදිරිපත් විය.
මේ සම්බන්ධයෙන් ශ්රේෂ්ඨාධිකරණ මතය පසුගිය 22වන අඟහරුවාදා කථානායක වෛද්ය ජගත් වික්රමරත්න මහතා විසින් පාර්ලිමේන්තුවට ඉදිරිපත් කළේය.
එහිදී 22වන ආණ්ඩුක්රම ව්යවස්ථා සංශෝධන පනත් කෙටුම්පත සම්මත කිරීම සඳහා ජනමත විචාරණයක් අවශ්ය නොවන බව ශ්රේෂ්ඨාධිකරණය තීරණය කර තිබුණි.
ඒ අනුව එම ව්යවස්ථා සංශෝධන පනත් කෙටුම්පත සම්බන්ධයෙන් වන පාර්ලිමේන්තු විවාදය ඊයේ (24) සහ අද (25) පැවැත්විණි.
22 වන ආණ්ඩුක්රම ව්යස්ථා සංශෝධනයට අදාළ ඡන්දය විමසීම අද (25) රාත්රී 07.15ට පමණ සිදුවිය. (update - 19.26)
