2026 වසර පුරා චීනයේ භාණ්ඩ ආනයන ප්රමාණය, වාර්තාගත මට්ටමකට ළඟා වනු ඇතැයි අපේක්ෂා කෙරේ.
චීන රාජ්ය මණ්ඩල ප්රවෘත්ති කාර්යාලයේ පැවති මාධ්ය හමුවකදී මේ බව සඳහන් කෙරිණි.
ගෝලීය භාණ්ඩ වෙළඳාම තුළ ලොව විශාලතම රට වන චීනය, ගෝලීය වෙළඳාමේ වර්ධනය සඳහා අඛණ්ඩ ගාමක බලවේගයක් ලබා දෙමින් සිටින බව චීන වාණිජ අමාත්යාංශය එහිදී අවධාරණය කර තිබේ.
ලෝක වෙළඳ සංවිධානය ඉකුත් ජූලි මාසයේ නිකුත් කරන ලද වසරේ පළමුවැනි කාර්තුවේ ගෝලීය වෙළඳ දත්තයන්ට අනුව, චීනය, ගෝලීය වෙෙළඳ වර්ධනයෙන් 2.1%ක ප්රමාණයක් සඳහා දායකත්වයක් ලබා දී ඇති අතර එය සමස්ත ප්රමාණයෙන් 20.3% කි.
එහි විස්තීර්ණ කර්මාන්ත පද්ධතිය සහ කාර්මික සහාය උපයෝගී කරගනිමින්, චීනය විවිධ රටවලට, විශේෂයෙන් සංවර්ධනය වෙමින් පවතින රටවලට නිෂ්පාදන උපකරණ වැනි භාණ්ඩ විශාල වශයෙන් සපයා තිබේ.
එම රටවලට ඔවුන්ගේ සැබෑ ආර්ථිකය සංවර්ධනය කොට ගෝලීය නිෂ්පාදන හා සැපයුම් දාමයන්ට ඒකාබද්ධ වීමට වැදගත් සහයෝගයක් ලබා දී ඇති චීනය, ගෝලීය නිෂ්පාදන හා සැපයුම් දාමයන්හි ස්ථාවර ක්රියාකාරිත්වයට ද ප්රබල ලෙස සහාය වී ඇති බවත් මෙම හමුවේදී පෙන්වා දී ඇත.
මේ වසරේ ජනවාරි සිට අගෝස්තු දක්වා කාලය තුළ, චීනයේ ආනයන ප්රමාණය 22%කින් වර්ධනයවී ඇති අතර, මෙම වසර සඳහා වන සමස්ත ආනයන ප්රමාණය ද නව ඉහළ මට්ටමකට ළඟා වනු ඇතැයි අපේක්ෂා කෙරෙන බව චීන වාණිජ අමාත්යාංශයේ නිලධාරීන් මෙහිදී පවසා තිබේ.
උසස් තත්ත්වයේ ගෝලීය නිෂ්පාදන චීන පාරිභෝගික වෙළඳපොළ වෙත වැඩි වශයෙන් ඇතුළු වෙමින් පවතින අතර එමගින් අදාළ රටවල ඒ ආශ්රිත කර්මාන්ත සංවර්ධනය ප්රවර්ධනය කොට එම රටවල රැකියා නියුක්තිය වැඩි කිරීමට හැකි වෙතැයි විශ්වාස කෙරෙන බව ද චීන වාණිජ අමාත්යාංශ නිලධාරීන් වැඩිදුරටත් සඳහන් කර තිබේ.
