දිවයිනේ ප්රධාන පළාත් කිහිපයක් ආවරණය වන පරිදි සෞඛ්ය වෛද්ය නිලධාරී කොට්ඨාස 62ක විශේෂ ඩෙංගු මර්දන සතියක් අද 14 සිට ලබන 19 වනදා දක්වා ක්රියාත්මක කරන බව ජාතික ඩෙංගු මර්දන ඒකකයේ වැඩබලන අධ්යක්ෂ, වෛද්ය කපිල කන්නංගර මහතා පවසයි.
අද (14) පැවති මාධ්ය සාකච්ඡාවකට එක්වෙමින් ඒ මහතා සඳහන් කළේ මධ්යම, නැගෙනහිර, වයඹ, උතුර, සබරගමුව, දකුණ සහ බස්නාහිර යන පළාත් පදනම් කරගනිමින් මෙම මර්දන වැඩසටහන ක්රියාත්මක වන බවයි.
පසුගිය මාස දෙකක කාලය තුළ දිනකට ඩෙංගු රෝගීන් 1200 - 1300 දක්වා ඉහළ අගයක පැවති අතර, සියලු පාර්ශ්වයන්ගේ එකමුතුවෙන් සිදුකළ කැපවීම හේතුවෙන් එම අගය මේ වන විට දිනකට රෝගීන් 100-200 දක්වා සැලකිය යුතු ලෙස පාලනය කරගැනීමට හැකිවූ බවද වෛද්යවරයා පෙන්වා දුන්නේය.
ඉදිරි කාලයේදී වැසි සහිත කාලගුණ තත්ත්වයක් අපේක්ෂා කරන බැවින්, ජලය රැස්වී මදුරුවන් බෝවීමේ අවදානම නැවතත් ඉහළ යා හැකි බවත්, ඩෙංගු යනු වසර පුරාම පවතින රෝගයක් බැවින් රෝහල්ගත වන රෝගීන් හරහා නැවත වසංගත තත්ත්වයක් නිර්මාණය වීම වැළැක්වීම මෙම විශේෂ මර්දන සතියේ ප්රධාන අරමුණ බවත් අධ්යක්ෂවරයා වැඩිදුරටත් පැවසීය.
