උණුසුම් පුවත්
මුහුදු යන අයට කාලගුණයෙන් අවවාදාත්මක නිවේදනයක්
හම්බන්තොට සිට පොතුවිල් දක්වා වන මුහුදු ප්රදේශ සඳහා තද සුළං සහ රළු මුහුදු ප්රදේශ පිළිබඳව අවවාදාත්මක නිවේදනයක් නිකුත් කර තිබේ.
කාලගුණවිද්යා දෙපාර්තමේන්තුව විසින් අද (09) පෙරවරු 11ට නිකුත් කර ඇති මෙම නිවේදනය හෙට (10) දක්වා වලංගු වෙයි.
ඒ අනුව, හම්බන්තොට සිට පොතුවිල් දක්වා වෙරළට ඔබ්බෙන් වන මුහුදු ප්රදේශවල සුළගේ වේගය විටින් විට පැ.කි.මී. 50-60 දක්වා වැඩිවන අතර එම මුහුදු ප්රදේශ විටින් විට රළු වේ.
එබැවින් එම මුහුදු ප්රදේශවල ධීවර හා නාවික කටයුතුවල යෙදෙන ප්රජාව ඒ සම්බන්ධයෙන් අවධානයෙන් කටයුතු කරන ලෙස එම දෙපාර්තමේන්තුව ඉල්ලා සිටියි.
