නේපාලයට බල පෑ හදිසි ජල ගැලීම හේතුවෙන් මියගිය පුද්ගලයින් සංඛ්යාව 389 දක්වා ඉහළ ගොස් ඇති බව නේපාල පොලීසිය පවසයි.
මීට පැය කිහිපයකට පෙර බලධාරීන් විසින් මරණ සංඛ්යාව 359ක් ලෙස වාර්තා කර තිබූ අතර, මේ වනවිට එම සංඛ්යාව 389 දක්වා ඉහළ ගොස් තිබේ.
මේ අතර, නේපාලයට බල පෑ හදිසි ජල ගැලීමෙන් බලපෑමට ලක්වූ ප්රදේශවල සංචාරය කරමින් සිටින නේපාල අග්රාමාත්ය බාලේන්ද්ර ෂා පවසන්නේ නේපාල හමුදාව, සන්නද්ධ පොලිස් බළකාය සහ ජාතික පොලීසියට අයත් ආරක්ෂක නිලධාරීන් 13,000කට අධික පිරිසක් විපතට පත්වූවන් මෙහෙයුම් සඳහා යොදවා ඇති බවය.
අද දිනය තුළ ගුවන් ගොස් පුද්ගලයින් 573 දෙනෙකු මුදාගෙන ඇති බවද අග්රාමාත්යවරයා සඳහන් කරයි.
තාවකාලික සහන කඳවුරු ස්ථාපිත කර ඇති අතර, තුවාල ලැබූ ජනතාව සඳහා නොමිලේ ප්රතිකාර ලබාදීමටද කටයුතු කර ඇති බව ඔහු පවසයි.
ජීවිත බේරාගැනීම, අතුරුදන්වූවන් සෙවීම සහ බලපෑමට ලක්වූ ජනතාවට සහන සැලසීම රජයේ ප්රධාන අවධානය වී ඇති බව නේපාල අග්රාමාත්ය බාලේන්ද්ර ෂා වැඩිදුරටත් සඳහන් කරයි.
