රට පුරා සුහුරු මනු පද්ධති (Smart Meter) ලක්ෂ 3ක් ස්ථාපනය කිරීම සඳහා වූ නියමු ව්යාපෘතියක් වෙනුවෙන් කැබිනට් අනුමැතිය හිමිව තිබේ.
ඒ අනුව වසර 02ක කාල සීමාවක් තුළ එකී ව්යාපෘතිය ඉලෙක්ට්රිසිටි ඩිස්ට්රිබියුෂන් ලංකා පෞද්ගලික සමාගම විසින් ක්රියාත්මක කිරීම පිණිස බලශක්ති අමාත්යවරයා විසින් ඉදිරිපත් කරන ලද කැබිනට් පත්රිකාව සඳහා අමාත්ය මණ්ඩල අනුමැතිය හිමිව ඇත.
රට තුළ පුනර්ජනනීය බලශක්තිය සම්බන්ධ ප්රයත්නයන් සවිබල ගැන්වීම සඳහා වන අනුපූරක ව්යාපෘතිවලට ආසියානු සංවර්ධන බැංකුවේ සුලු විදයම් මූල්යනය පහසුකම් හරහා අමෙරිකානු ඩොලර් මිලියන 15ක ණය මුදලක් ලබා ගැනීම සඳහා පසුගිය වසරේ ඔක්තෝබර් මස 21 වැනි දින පැවැති අමාත්ය මණ්ඩල රැස්වීමේදී අනුමැතිය හිමිව තිබුණි.
එම ණය මුදලින් මහඔය පොම්ප කල ජල ගබඩා විදුලි බලාගාරය සංවර්ධනය කිරීම වෙනුවෙන් අමෙරිකානු ඩොලර් මිලියන 2.5ක් භාවිත කිරීම සඳහා පසුගිය වසරේ සැප්තැම්බර් මස 03 වැනි දින අමාත්ය මණ්ඩල අනුමැතියද හිමිවිය.
ඉන් ඉතිරි අමෙරිකානු ඩොලර් මිලියන 12.5ක ප්රතිපාදන උපයෝගී කර ගනිමින් මෙරට සුහුරු ජාල නවීකරණය කිරීමේ මූලික ක්රියාමාර්ගයක් ලෙස භාවිත කෙරෙන කාලය පාදක (Time of Use) බිල්පත් ක්රමයක් සහිත යෝජිත සුහුරු මනු පද්ධති සවි කිරීම සඳහා යෝජනා වී ඇති අතර ඊට මෙලෙස කැබිනට් අනුමැතිය හිමිව ඇත.
