කැනඩාව විසින් එක්සත් ජනපදයෙන් ආනයනය කරන භාණ්ඩ සඳහා නව තීරු බද්දක් පැනවීමට තීරණය කර තිබේ.
විදෙස් මාධ්ය වාර්තා කර ඇත්තේ අමෙරිකානු ඩොලරයට ඩොලරයේ වටිනාකමට සමාන අමෙරිකානු ඩොලර් බිලියන 19.94ක පළිගැනීමේ තීරුබදු කැනඩාව විසින් ප්රකාශයට පත් කර ඇති බවය.
මෙම ප්රති-තීරුබදු සැප්තැම්බර් 8 වන දින සිට ඇමරිකානු භාණ්ඩ සඳහා ක්රියාත්මක වන අතර දේශසීමාවේ දකුණෙන් ආනයනය කරන නිෂ්පාදන 700 ක් සඳහා සියයට 15, සියයට 25 සහ සියයට 50 ක තීරුබදු පනවනු ඇති බව කැනඩා රජයේ නිවේදනයක දැක්වේ.
මෙම නව තීරුබදු සම්බන්ධව අදහස් දක්වා ඇති කැනඩාවේ මුදල් අමාත්ය ෆ්රැන්කොයිස්- පිලිප් ෂැම්පේන් සඳහන් කර ඇත්තේ ප්රති තීරුබදු සඳහා අනුපාත මෙන්ම පවතින තත්ත්වයන් මත කම්කරුවන්ට සහ ව්යාපාරවලට සහන වීම සඳහා ඩොලර් බිලියන ගණනක ආධාරක පැකේජයක්ද රජය විසින් හඳුන්වා දුන් බවද සඳහන් කර තිබේ.
මෙම ආධාර පැකේජය මගින් කැනඩාවේ කම්කරුවන්, ගොවීන්, පවුල් සහ ව්යාපාර ආරක්ෂා කරනු ඇති බවත් එහිදී පවසා ඇති බව විදෙස් මාධ්ය වාර්තා හී සඳහන්ව ඇත.
එමෙන්ම එක්සත් ජනපදයට පැනවූ මෙම නව ප්රති තීරුබදු අමෙරිකාව කැනඩාවට දක්වා ඇති ප්රතිචාරයට පිළිතුරු දුන් එක් ප්රතිචාරයක් පමණක් බවද කැනඩා මුදල් අමාත්යවරයා පෙන්වා දී තිබේ.
ඒ අනුව සැප්තැම්බර් 8 වන දින සිට අමෙරිකාවෙන් ආනයනය කරනු ලබන වානේ ඇලුමිනියම්, ගෘහ භාණ්ඩ සහ ඇඳුම් පැළඳුම් වැනි අංශ සඳහා 50%ක තීරුබදුද, චීස්, මාළු සහ මුහුදු ආහාර මෙන්ම ඇතැම් උපකරණ සඳහා 25%ක තීරුබද්දක් සහ ඉලෙක්ට්රොනික උපකරණ සහ මෙවලම් සඳහා 15%ක තීරුබදු පැනවෙනු ඇති බවත් සඳහන් වේ.
කැනඩාවෙන් ආනයනය කරන මෝටර් රථ සඳහා එළැඹෙන ජනවාරි 1 වැනිදා පැනවෙන තීරුබදු 50% දක්වා ඉහළ දමන බව අමෙරිකානු ජනාධිපති ඩොනල්ඩ් ට්රම්ප් විසින් පසුගියදා තර්ජනය කරනු ලැබීය.
