සයුරෙන් එතෙර
ඉරානය වෙත එල්ල කිරීමට සැලසුම් කළ ප්රහාර අවලංගු කළ බව ට්රම්ප් කියයි
Jun 12, 202604:49 AM
ඉරානයට එල්ල කිරීමට සැලසුම් කර තිබූ හමුදා ප්රහාර අවලංගු කළ බව අමෙරිකානු ජනාධිපති ඩොනල්ඩ් ට්රම්ප් ප්රකාශ කර තිබේ.
ඉරාන නායකත්වය සහ කලාපීය රටවල් කිහිපයක් ඉහළ මට්ටමේ සාකච්ඡා සඳහා අනුමැතිය ලබාදී ඇති බවට තොරතුරු ලැබීමෙන් අනතුරුව මෙම තීරණය ගත් බව ඔහු සඳහන් කර ඇතැයි විදෙස් මාධ්ය වාර්තා කරයි.
කෙසේ වෙතත්, අවසන් එකඟතාවකට පැමිණ ගිවිසුම අත්සන් කරන තෙක් ඉරානයට එරෙහිව පනවා ඇති නාවික අවහිර කිරීම අඛණ්ඩව පවත්වාගෙන යන බවද ට්රම්ප් ප්රකාශ කර තිබේ.
අදාළ ගිවිසුම අත්සන් කරන දිනය, වේලාව සහ ස්ථානය පිළිබඳ තොරතුරු ඉදිරියේදී ප්රකාශයට පත් කරන බවද ඔහු වැඩිදුරටත් සඳහන් කර ඇත.
මේ අතර, ට්රම්ප්ගේ ප්රකාශ සම්බන්ධයෙන් ඉරාන පාර්ශ්වයෙන් මෙතෙක් නිල තහවුරු කිරීමක් සිදුකර නොමැති බවද විදෙස් මාධ්ය වාර්තා කරයි.
