ආරක්ෂ ලේකම් රුසියානු නියෝජ්ය ආරක්ෂක ඇමති හමුවෙයි
May 27, 2026 08:34 am
ආරක්ෂක ලේකම් එයාර් වයිස් මාර්ෂල් (විශ්රාමික) සම්පත් තුයියකොන්තා මහතා මොස්කව්හිදී රුසියානු ආරක්ෂක අමාත්ය Vasily Osmakov මහතා හමුවී තිබේ.
ඊයේ (26) මෙම හමුව සිදුව ඇති බව ආරක්ෂක අමාත්ය සඳහන් කළේය.
මොස්කව්හිදී මැයි 26 සිට 29 දක්වා පැවැත්වෙන පලමුවන ජාත්යන්තර ආරක්ෂක සංසදය සහ ආරක්ෂක ගැටලු පිළිබඳ ජ්යෙෂ්ඨ නියෝජිතයින්ගේ වාර්ෂික රැස්වීම සඳහා සහභාගි වු ආරක්ෂක ලේකම්වරයා ඊට සමගාමීව මෙම හමුව පැවැත්විණි.
මෙම සාකච්ඡාවේදී, දෙරට අතර කලාපීය සහ ගෝලීය වශයෙන් වැදගත් ආරක්ෂක අභියෝග පිළිබඳව අදහස් හුවමාරු කර ගෙන තිබේ.
ශ්රී ලංකාව සහ රුසියානු සමූහාණ්ඩුව අතර අන්යොන්ය වශයෙන් වැදගත් වන ආරක්ෂක ක්ෂේත්රවල, විශේෂයෙන්ම යුද-තාක්ෂණික සහයෝගීතාව ධාරිතා සංවර්ධන වැඩසටහන් මෙන්ම දෙරට අතර පුහුණුවිම්වලට අදාළ අවස්ථා ඉහළ නැංවීම වෙනුවෙන් පවතින අඛණ්ඩ සහයෝගීතාවයේ වැදගත්කම තහවුරු කළේය.
තවද, දැනට රුසියානු සමූහාණ්ඩුවේ සේවය කරන හිටපු ශ්රී ලාංකික හමුදා සාමාජිකයන්ට අදාළ කරුණු පිළිබඳවද දෙපාර්ශ්වය විසින්ම දීර්ඝ වශයෙන් සාකච්ඡා කළේය.
මෙම සාකච්ඡාව සඳහා රුසියාවේ ශ්රී ලංකා තානාපතිනි ශෝබිනී ගුණසේකර මහත්මිය, ශ්රී ලංකා තානාපති කාර්යාලයේ චාන්සරි අංශයේ ප්රධානී මිහිරාවි දිසානායක මහත්මිය සහ ආරක්ෂක උපදේශක එයාර් කොමදෝරු දිනේෂ් කසාගල යන නිලධාරින් සහභාගී වූහ.
