සයුරෙන් එතෙර
පාකිස්ථානය තවත් ඇෆ්ගන් පිරිසක් පිටුවහල් කරයි
April 21, 2026 05:14 pm
පසුගිය සති කිහිපය තුළ පාකිස්තානයෙන් ඇෆ්ගනිස්තාන සංක්රමණිකයන් පිටුවහල් කිරීම සැලකිය යුතු ලෙස ඉහළ ගොස් ඇති බව විදෙස් මාධ්ය වාර්තා කරයි.
ඒ අනුව පාකිස්තානය විසින් අප්රේල් 17 වනදා සංක්රමණිකයන් 5,450 දෙනෙකු පාකිස්තානයෙන් පිටුවහල් කර ඇති අතර ඔවුන් ඇෆ්ගනිස්තානයට ඇතුළු වූ බව තලේබාන් සංවිධානයේ සරණාගත ගැටලු විසඳීම සඳහා වූ කොමිසම පවසයි.
එදිනම තවත් සංක්රමණිකයන් 352 දෙනෙකු ඉරානයෙන් පිටුවහල් කර ඇෆ්ගනිස්තානයට ඇතුළු වූ බවද එම කොමිසම සඳහන් කර ඇත.
දැනට ඇෆ්ගනිස්තානය සහ පාකිස්තානය අතර දේශසීමා විවෘතව පවතින්නේ සංක්රමණිකයන් නැවත පැමිණීම සඳහා පමණක් වන අතර, තලේබාන් සංවිධානය සහ පාකිස්තානය අතර පවතින නොසන්සුන්තා හේතුවෙන් අනෙකුත් සියලුම දේශසීමා හරහා සිදු කෙරෙන ගමන් බිමන් මාස හයක පමණ කාලයක සිට අත්හිටුවා ඇත.
පාකිස්තානය සහ ඉරානය විසින් නීත්යානුකූල ලියකියවිලි නොමැති ඇෆ්ගනිස්තාන සංක්රමණිකයන්ට එරෙහිව නීතිය තදින් ක්රියාත්මක කිරීම නිසා 2023 අග භාගයේ සිට එරටට පැමිණෙන සංක්රමණිකයන්ගේ සංඛ්යාව විශාල ලෙස ඉහළ ගොස් තිබේ.
