වෙළෙඳ ගනුදෙනු ශක්තිමත් කිරීමට ඉන්දු - රුසියා සැරසෙති

ගෝලීය අවිනිශ්චිතතාවයන් මධ්‍යයේ සැපයුම් දාම, තාක්ෂණය සහ පර්යේෂණ සහයෝගීතාව කෙරෙහි අවධානය යොමු කිරීමට ඉන්දියාව සහ රුසියාව පියවර ගෙන තිබේ.

ඒ අනුව වානේ අංශය වෙත වැඩි අවධානයක් ලබාදී ඇති අතර දෙරට අතර සහයෝගීතාව ශක්තිමත් කිරීම සඳහා සාකච්ඡා පවත්වා ඇත.

රුසියානු කර්මාන්ත නියෝජිතයන්ගෙන් සමන්විත දූත පිරිසක් ඉන්දියානු පාර්ශ්වකරුවන් සමග සාකච්ඡාවලට සහභාගීවී ඇති අතර, එහිදී අමුද්‍රව්‍ය ලබාගැනීම, තාක්ෂණික සහයෝගීතාව, උපකරණ නිෂ්පාදනය සහ පර්යේෂණ අවස්ථා වැනි ප්‍රධාන කරුණු පිළිබඳව අදහස් හුවමාරු කරගෙන ඇත.