සයුරෙන් එතෙර
ඉන්දියාවේ විදේශ විනිමය සංචිත වාර්තා ගත ලෙස ඉහළට
Apr 16, 202602:17 PM
ගෝලීය වශයෙන් ආර්ථික අවිනිශ්චිතතාවයක් පවතින අවස්ථාවක ඉන්දියාව විදේශ විනිමය සංචිතවලින් ශක්තිමත් වී ඇතැයි ඉන්දීය මාධ්ය වාර්තා කරයි.
2010-11 වසරේදී ඩොලර් බිලියන 305ක් පමණ වූ ඉන්දියාවේ විදේශ විනිමය සංචිත, 2025-26 වන විට ඩොලර් බිලියන 700ක් දක්වා වසර 15 ක් තුළ දෙගුණයකට වඩා වැඩි වී ඇති බවද වාර්තා වෙයි.
දීර්ඝ කාලීනව බලන කල මෙම වර්ධනය වඩාත් කැපී පෙනෙන අතර 1991-92 දී ඩොලර් බිලියන 9ක් පමණ වූ සංචිත ප්රමාණය වර්තමානයේදී 75 ගුණයකින් පමණ වර්ධනය වී ඇති බවද පැවසෙයි.
2026 ජනවාරි 16 වන විට ඉන්දියාව සතු විදේශ විනිමය සංචිත මගින් මාස 11 කට වඩා වැඩි ආනයන ආවරණය කළ හැකි අතර, 2025 සැප්තැම්බර් අවසානය වන විට පවතින බාහිර ණය ප්රමාණයෙන් ආසන්න වශයෙන් සියයට 94.0ක් ආවරණය කළ හැකි බවද වාර්තා වෙයි.
