ඉන්දීය විදේශ කටයුතු අමාත්ය එස්. ජයිශංකර් සහ බංග්ලාදේශ විදේශ අමාත්යවරයා අතර ද්විපාර්ශ්වික සාකච්ඡා වටයක් පවත්වා තිබේ.
ඒ, බංග්ලාදේශ විදේශ අමාත්යවරයාගේ ඉන්දීය සංචාරයට සමගාමීවය.
එහිදී දෙරට අතර පවතින ද්විපාර්ශ්වික සබඳතාවල ප්රගතිය මෙන්ම කලාපීය සහ ජාත්යන්තර කරුණු පිළිබඳව සමාලෝචනය කළ බව ඉන්දීය මාධ්ය වාර්තා කරයි.
නවදිල්ලි අගනුවර පැවති මෙම තීරණාත්මක හමුව, අසල්වැසි හවුල්කාරිත්වයේ ඉදිරි ගමන පිළිබඳව අවධානය යොමු කර ඇත.
ද්විපාර්ශ්වික සබඳතා විවිධ අංශ ඔස්සේ ශක්තිමත් කිරීම පිළිබඳව සහ කලාපීය සහ ගෝලීය වර්ධනයන් පිළිබඳව ද අදහස් හුවමාරු කරගත් බවත් සමීප සබඳතාවයකින් කටයුතු කිරීමට ද එකඟ වූ බව මේ සම්බන්ධයෙන් අදහස් දක්වමින් ඉන්දීය විදේශ කටයුතු අමාත්ය එස්. ජයිශංකර් පවසා තිබේ.
මෙම හමුව සම්බන්ධයෙන් බංග්ලාදේශය පවසා ඇත්තේ මෙම සුහද සංචාරය දෙරට අතර සහයෝගීතාව වඩාත් ඵලදායී සහ තිරසාර මට්ටමකට ව්යාප්ත කිරීමට වැදගත් පදනමක් වනු ඇතැයි අපේක්ෂා කරන බවය.
