සයුරෙන් එතෙර
පාකිස්තානයේ දරිද්රතාව තවත් ඉහළට
Apr 03, 202608:38 PM
පාකිස්තානයේ දරිද්රතාවය නැවත වරක් ඉහළ ගොස් ඇති බව විදෙස් මාධ්ය වාර්තා කරයි.
නවතම ඇස්තමේන්තුවලට අනුව එරට ජනගහනයෙන් අඩකට ආසන්න ප්රමාණයක් දරිද්රතා රේඛාවෙන් පහළට ඇදවැටී ඇති බව පැවසෙයි.
ස්වාධීන පර්යේෂණ ආයතනයක වාර්තාවක් උපුටා දක්වමින් විදෙස් මාධ්ය වාර්තා කර තිබෙන්නේ එරට දරිද්රතාවය 43.5% ක් බවය.
එනම් මිලියන 27 කට අධික පුරවැසියන් පිරිසක් දරිද්රතා රේඛාවෙන් පහළ ජීවත් වන අතර, එය රජයේ ආයතන සඳහන් කරන 28.9% ක අගයට වඩා බෙහෙවින් වැඩිය.
ඉහළයන නිවාස කුලී, ප්රවාහන ගාස්තු, අධික විදුලි හා ජල බිල්පත්,දැරිය නොහැකි සෞඛ්ය වියදම් හේතුවෙන් නාගරික ජනජීවිතද දිනෙන් දින දුෂ්කර වී ඇතැයි පැවසෙයි.
දේශපාලන අස්ථාවරත්වය හේතුවෙන් ප්රතිපත්තිවල අඛණ්ඩතාව බිඳ වැටී ඇති අතර කොවිඩ් වසංගතයේ පසුබෑම තවමත් පවුල්වල ආර්ථිකයට දැඩි බලපෑමක් එල්ලකර ඇති බවද සඳහන්ය.
