පූජ්ය කිරින්දේ අස්සජි හිමියන්ගේ මගපෙන්වීම සහ සංකල්පයක් මත ඔක්ස්ෆර්ඩ් චෙස්ටර් උසස් අධ්යාපන ආයතනයෙන් පූර්ණ ශිෂ්යත්ව 75ක් පිරිනැමීම ඊයේ (19) දිනයේදී සිදුවිය.
ශ්රී ලාංකේය සිසු පරපුරේ අධ්යාපන සිහින සැබෑ කරලීම වෙනුවෙන්, ඔක්ස්ෆර්ඩ් චෙස්ටර් උසස් අධ්යාපන ආයතනය මගින් (19) දින පූර්ණ ශිෂ්යත්ව 75ක් පිරිනැමුණි.
ගංගාරාම විහාරාධිපති පූජ්ය ආචාර්ය කිරින්දේ අස්සජි ස්වාමින් වහන්සේගේ ජන්ම දිනය නිමිත්තෙන් සංවිධානය වූ මෙම වැඩසටහන, උන්වහන්සේගේ සෘජු මගපෙන්වීම සහ සුවිශේෂී සංකල්පයකට අනුව ක්රියාත්මක නැන්වූවකි.
පොලිස්පතිතුමාගේ සහභාගීත්වයෙන් පොලිස් මූලස්ථානයේදී මෙම වැඩසටහන ආරම්භ වූ අතර ඒ සඳහා පොලිස් සේවා වනිතා ඒකකයේ සභාපතිනී නීතීඥ නිල්මිණී නීටා සමරතුංග මහත්මියද සහභාගි විය. මෙහිදී රට වෙනුවෙන් අප්රතිහත සේවයක් ඉටු කරන පොලිස් නිලධාරීන්ගේ දරුවන් වෙනුවෙන් උපහාරයක් ලෙස මෙන්ම, දැඩි ආර්ථික දුෂ්කරතා මධ්යයේ ඉගෙනුම ලබන දක්ෂ දරුවන් වෙනුවෙන් මෙම ශිෂ්යත්ව ප්රදානය කෙරිණි.
ශ්රී ලංකාවේ අධ්යාපන ක්ෂේත්රය ජාත්යන්තර මට්ටමට ඔසවා තැබීමට සහ සිසුන්ට අවශ්ය සහයෝගය ලබාදීමට ආචාර්ය දුලාන් හෙට්ටිආරච්චි මහතා ලබාදෙන සුවිශේෂී දායකත්වය මෙහිදී ඇගයීමට ලක්විය.
මෙම අවස්ථාවට බස්නාහිර පළාත් ආණ්ඩුකාර හනීෆ් යූසෆ්, බස්නාහිර පළාත් අධ්යාපන ලේකම්, වනන් පෙරේරා, ජ්යෙෂ්ඨ නියෝජ්ය පොලිස්පති පරිපාලන සංජීව ධර්මරත්න, නියෝජ්ය පොලිස්පති පොලිස් මූලස්ථාන, නාලක සිල්වා මහතා යන මහත්වරුන් ඇතුළු පිරිසක්ද මෙම අවස්ථාව සඳහා සහභාගි වූහ.
